LONTARA’
SITETE NA KONFIKS LAN BASA TORAYA
N
A
G
A
R
A
G
A
SANGA UNGGARAGAI :
Istian Rembonan
215 111 004
PROGRAM STUDI PENDIDIKAN BAHASA DAN SASTRA INDONESIA
UNIVERSITAS KRISTEN INDONESIA TORAJA
2017
SANGBUKU KADA
Kadipudian sia kadipangkeran sipatu sia sielle’ kipakendek langngan olo mala’bi’na Puang matua, belanna passakkena sia pangrondongna angki ma’din unnupui’ marampa’i te lontara’ basa Toraya tu sitetena konfiks lan basa Toraya.
Kissan duka sia kitarru’ kumua buda katangpalambiranki sia katangmaupuranki ilan ummangkai te’ lontara’ iate. Yamanna rannungki lako kita solasang den no upa ate sura’ batu’ lontara’ iate kitonnoranni lakebattuannan lako mintu to unpakei meloi na mendadi bia’ lan allo katuonta sola nasang. Kurre sumanga pole paraya.
DAFTAR ISI
Sangbuku kada
Daftar isi
BAB I TIPAMULANNA
Pamulanna
Tileko’ boko’na
Patunna
BAB II PA’ PAKALESO
Battuananna Konfiks
Rupa-rupanna Konfiks sola Pa’pasusianna
BAB III ANGGENNA
Sirampunanna
Pa’pakilala
BAB I
TIPAMULANNA
PamulannaAfiksasi ba’tu rangganan kada iamo tu dadinna kada tu mangka unnappa ranganna lu jomai kada pamulanna (kata dasar). Konfiks iamo kata dasar tu mangka unnappa ranganna jo tingayona sola jo boko’ na kada.
Tileko’ boko’na
Apa disanga konfiks?
Umbasusi rupa-rupanna konfiks sola Pa’pasusianna?
Patunna
Sitetena tu jona konfiks lan basa Toraya bisa diissan sia ditandai tu kada-kada tu dipake lan allo katuoanta keallo-keallo tu mangka unnappa’ rangnganan kada jo tingayona kada na jo boko’na kada.
BAB II
PA’ PAKALESO
Battuananna Konfiks
Konfiks iamo rangnganan kada jo tingayona kada sola jo boko’ na kada. Lan garaganna kada iate taek na berobah rupanna. Konfiks iamo afiks tu unnappa rangganan kata dasar jo tingayona kada sola jo boko’ na kada susi konfiks u(N) -i, u(N)-an, Si-an, Pe-an, Ma-an, Umpa -i, Umpa-an, Umpe-i, Umpe-an, Sipe-an, na Sipa-an.
Rupa-rupanna Konfiks sola papasusianna
Konfiks u(N) -i
Rupanna
Nasal prefiks iamo nasal homorgan sola konsonan mendadi fonem initial lan morfem dasar, tannia jo tingayo fonem initial /r/,/l/,/s/ yamoto prefiks iamo situru’-turu’ mendadi ur-, ull-, na uss. Susi duka jo tingayo na vokal mendadi fonem initial morfem dasar na prefiks mendadi un- ba’tu mendadi unn-.
Sitarru’ na fonem /k/,/n/,/ng/ mendadi fonem undinna morfem asal jo tingayona sufiks –i mintu’ na unnappa’ pa’pakalandona lan susunanna disura’ sola mintu’-mintu’ fonem dipasusinna.
Yanna fonem glottal /q/ na doloi vokal /a/,/u/,/e/,/o/ (na tannia vokal /i/), jo tingayo sufiks –i yamo nappa’ sufiks –i jo boko’na.
Pa’pasusian:
u- + rari + -i mendadi urrari balinna
u- + sia + -i mendadi ussiai dukuq
Battuananna
Konfiks u(N)-i yanna diranganni lako kata dasar battuananna umpogau’ penggauran.
Pa’pasusian:
u(N)- + issi + -i mendadi unnissi kurin
u(N)- + kendek + -i mendadi unkendekki banua
u(N)- + lamban + -i mendadi ullambanni tasik
u(N)- + bali + -i mendadi unbali pekutana
Konfiks u(N)-an
Rupanna
Morfofonemis sitetena sola sufiks –an iamo berobah mendadi fonem /r/ ke lan fonem asal na taek nappa’ fonem /r/. yanna lan morfem asal nappa’ fonem /r/ yanna fonem glotal iamo mendadi fonem /s/ jo tingayona sufiks –an. Sitarru’ na vokal /a/ la’biran Sufiks ta’de jo boko’ na morfem asal tu morfem final /a/.
Pa’pasusian:
u(N)- + rereq + -an mendadi urreresan manuk to saena
u(N)- + ala + -an mendadi unnalan pare indo’na
Battuananna
Konfiks u(N)-an yanna dipasirangngan sola kata dasar battuananna penggauran dipogau’ tannia lako to senga’.
Pa’pasusian:
u(N)- + ingaq + -an mendadi unningaran
u(N)- + rannu + -an mendadi urrannuan ambe’na
Konfiks u(N)-an battuananna penggauran tu dipogau’ lako to senga’
Pa’pasusian:
u(N)- + nala + -an mendadi unnalan pare indo’na
u(N)- + lassu + -an mendadi ullassuan kande to masaki
u(N)- + kali + -an mendadi ungkalian pa’lak to matuanna
Konfiks Si-an
Rupanna
Konfiks Si-an bisa dipasirangngan sola morfem asal adjective, nomina, pira-pira kata keterangan, na assele’ na verba intransitive sola battuananna resiprok ba’tu statif.
Pa’pasusian:
Si- + sengke + -an mendadi sisengkean
Si- + la’bo + -an mendadi sila’boran
Si- + riri + -an mendadi siririan
Si- + misa’ + -an mendadi simisaran
Si- + tiro + -an mendadi sitiroan
Battuananna
Konfiks Si-an yanna dipasituang sola nomina nappa’ battuananna saling na yanna dipasituang sola ajektif nappa’ battuananna mintu’na..
Konfiks si-an battuananna saling
Pa’pasusian:
Si- + alli + -an mendadi siallian
Si- + doke + -an mendadi sidokean
Si- + la’bo’ + -an mendadi sila’boran
Konfiks si-an battuananna mintu’na
Pa’pasusian:
Si- + bosi + -an mendadi sibosian
Si- + tesse + -an mendadi sitessean
Konfiks pe-an
Rupanna
Afiks iate taek nappa perobahan rupanna kedipaasituang sola kata dasar konfiks pe-an bisa dipasituang sola morfem asal nomina.
Pa’pasusian:
Pe- + pare + -an mendadi peparean
Pe- + uran + -an mendadi peuranan
Pe- + allo + -an mendadi pealloan
Battuananna
Konfiks pe-an yanna dipasituang sola morfem asal nomina bisa battuananna attunna.
Pa’pasusian:
Pe- + uran + -an mendadi peuranan
Pe- + allo + -an mendadi pealloan
Pe- + dale + -an mendadi pedallean
Konfiks ma-an
Rupanna
Konfiks ma-an yanna dipasituang solakata dasar taek nappa perobahan rupanna.
Konfiks ma-an bisa dipasituang sola nomina na assele’na kata keterangan.
Pa’pasusian:
Ma- + rapu + -an mendadi marapuan
Ma- + pare + -an mendadi maparean
Ma- + tedong + -an mendadi matedongan
Ma- + bai + -an mendadi mabaian
Battuananna
Konfiks ma-an yanna diranganni sola nomina battuananna buda.
Pa’pasusian:
Ma- + tedong + -an mendadi matedongan
Ma- + pare + -an mendadi maparean
Ma- + bai + -an mendadi mabaian
Ma- + rapu + -an mendadi marapuan
Konfiks umpa-i
Rupanna
Aturanna morfofonemis tu laku lako afiksasi sola fonem /k/,/n/,/ng/, na /q/tu mendadi fonem final morfem asal jo tingayona sufiks-i. sitarru’na konfiks umpa-i iate bisa dipasituang soa nomina.
Pa’pasusian:
Umpa- + indan + -i mendadi umpaindanni
Umpa- + tanduk + -i mendadi umpatandukki
Umpa- + allo + -i mendadi umpaalloi
Umpa- + bali + -i mendadi umpabali
Battuananna
Konfiks umpa-i yanna diranganni sola nomina battuananna umpogau’ apa lako to senga’.
Pa’pasusian:
Umpa- + ala + -i mendadi umpalai
Umpa- + uduk + -i mendadi umpaudukki bunga
Konfiks umpa-an
Rupanna
Konfiks umpa-an bisa dipasituang sola morfem asal unsur ajektif, pira-pira kata keterangan na unnappa kata kerja transitif.
Pa’pasusian:
Umpa- + marengko + -an mendadi umpamarengkoan
Umpa- + malassu + -an mendadi umpamalassuan
Umpa- + dolo + -an mendadi umpadoloan
Battuananna
Konfiks umpa-an yanna diranganni sola kata dasar battuananna penggauran tu dipogauk lako to senga’.
Pa’pasusianna:
Umpa- + iru’ + -an mendadi umpairusan
Umpa- + kande + -an mendadi umpakande
Umpa- + tiro + -an mendadi umpatiroan
Umpa- + rangi + -an mendadi umparangian
Konfiks umpe-i
Rupanna
Konfiks umpe-i bisa dipasituang sola morfem asal nomina na asselei’ kata kerja intransitive.
Pa’pasusian:
Umpe- + sissik + -i mendadi umpesissiki bale
Umpe- + pare + -i mendadi umpeparei uma
Umpe- + bale + -i mendadi umpebalei limbong
Umpe- + utan + -i mendadi umpeutanni pa’lak
Battuananna
Konfiks umpe-i yanna diranganni sola morfem dasar objektif battuananna mendadi apa lan ditinngayo matantu.
Pa’pasusian:
Umpe- + bosi + -I mendadi umpebosii duku’
Umpe- + buda + -I mendadi umpebudai indanna
Umpe- + kalando + -I mendadi umpekalandoi
Umpe- + melo + -I mendadi umpemeloi
Umpe- + kadake + -I mendadi umpekadakei
Konfiks umpe-an
Rupanna
Konfiks umpe-an bisa dipasituang sola morfem asal nomina. Rupanna iamo tu transitif yattu ampui nasangi benefaktif lako objek Inanna.
Pa’pasusian:
Umpe- + utan + -an mendadi umpeutanan
Umpe- + dalle + -an mendadi umpedallean
Umpe- + bale + -an mendadi umpebalean
Umpe- + dua’ + -an mendadi umpeduaran
Battuananna
Konfiks umpe-an yanna diranganni sola kata dasar battuananna umpogau’ apa lako to senga’.
Pa’pasusian:
Umpe- + melo + -an mendadi umpemeloan
Umpe- + buda + -an mendadi umpebudaan
Umpe- + kalando + -an mendadi umpekalandoanan
Umpe- + bali + -an mendadi umpebalian
Konfiks sipe-an
Rupanna
Konfiks sipe-an den kata kerja intransitive sola morfem asal unsur adjektif, nomina, na kata keterangan.
Pa’pasusian:
Sipe- + kutana + -an mendadi sipekutanan
Sipe- + melo + -an mendadi sipemeloan
Sipe- + pare + -an mendadi sipeparean
Sipe- + pura + -an mendadi sipepuran
Battuananna
Konfiks sipe-an yanna diranganni sola kata dasar battuananna lasusi pantan rapa’ umpogau’ apa.
Pa’pasusian:
Sipe- + oli + -an mendadi sipeolian
Sipe- + bali + -an mendadi sipebalian
Sipe- + kondong + -an mendadi sipekondongan
Konfiks sipa-an
Rupanna
Konfiks sipa-an denlan lako kata kerja intransitif sola morfem asal pira-pira kata keterangan.
Pa’pasusian:
Sipa- + lele + -an mendadi sipalelean
Sipa- + dao + -an mendadi sipadaoan
Sipa- + diong + -an mendadi sipadiongan
Battuannan
Konfiks sipa-an yanna diranganni lako kata dasar battuananna saling.
Pa’pasusian:
Sipa- + tiro + -an mendadi sipatiroan
Sipa- + ka’pan + -an mendadi sipaka’panan
Sipa- + diong + -an mendadi sipadiongan
Sipa- + indan + -an mendadi sipaindanan
BAB III
ANGGENNA
A. SirampunannaKonfiks iamo rangnganan kada jo tingayona kada sola jo boko’ na kada. Lan garaganna kada iate taek na berobah rupanna. Konfiks iamo afiks tu unnappa rangganan kata dasar jo tingayona kada sola jo boko’ na kada susi konfiks u(N) -i, u(N)-an, Si-an, Pe-an, Ma-an, Umpa -i, Umpa-an, Umpe-i, Umpe-an, Sipe-an, na Sipa-an.
B. Pa’pakilala
Mui tang sirundunan pa te’ apa kijama tu sitetena konfiks lan basa Toraja, kikua ma’kada tabe’. Na yattu kamu tu lamorai umpeladai’ tu sitetena konfiks lan basa Toraja, bisa mi daga’-daga’ lan lu sura’ batu’ internet na bisa ketambah tu paissanmi.
Penulis : Istian Rembonan
Tahun : 2018
Jabatan : Mahasiswa UKI Toraja
Tidak ada komentar:
Posting Komentar